هندسة التقنيةوين تلقى بيانات الحساب
بعد الدفع يوصلك الطلب في «مكتبتي» خلال 24 ساعة، ويجيك إيميل أول ما يجهز. تفتح «مكتبتي» برمز تحقق يوصلك على إيميلك، وتكشف البيانات: اسم دخول ستيم وكلمة مروره، والإيميل المرفق مع الحساب وكلمة مروره. لا تشارك هذي البيانات مع أحد.
جهّز قبل ما تبدأ
- جوالك وعليه تطبيق Steam الرسمي من متجر التطبيقات.
- إيميل شخصي أنت بس اللي تدخله، عشان تنقل له الحساب.
- جهازك أنت مو جهاز عام أو مشترك، وربع ساعة بدون استعجال.
- ادخل ستيم من الموقع الرسمي store.steampowered.com أو التطبيق فقط، ولا تفتح روابط دخول توصلك في رسائل أو ديسكورد: هذي أشهر طريقة لسرقة الحسابات (التصيد).
خطوات التأمين بالترتيب
- ادخل الإيميل المرفق وغيّر كلمة مروره. هذا أول شي، لأن رموز ستيم توصل على هذا الإيميل. لو يسمح بإضافة رقم جوال أو إيميل استرداد، أضف حقك.
- سجّل دخول ستيم وغيّر كلمة المرور. من تطبيق ستيم أو الموقع: اسم الحساب ← تفاصيل الحساب ← تغيير كلمة المرور. أول دخول ممكن يطلب رمز يوصل على الإيميل اللي غيّرته للتو.
- غيّر إيميل حساب ستيم لإيميلك الشخصي. من تفاصيل الحساب ← معلومات الاتصال ← «تغيير عنوان بريدي الإلكتروني»، وأكّد بالرمز.
- فعّل Steam Guard من الجوال. نزّل تطبيق Steam الرسمي، سجّل دخول، وافتح تبويب Steam Guard (أيقونة الدرع) ← إضافة أداة مصادقة، وأضف رقم جوالك وأكّد الرسالة.
- افصل كل الأجهزة الثانية. من تفاصيل الحساب ← إدارة Steam Guard ← «إلغاء تخويل كل الأجهزة الأخرى». هذا يطلّع أي جلسة قديمة من الحساب.
لما تفعّل أداة المصادقة يعطيك ستيم رمز استرداد يبدأ بحرف R. صوّره أو اكتبه واحفظه بمكان آمن: هو طريقك الوحيد للحساب لو ضاع جوالك.
كيف تتأكد إن الحساب صار باسمك
- صفحة تفاصيل الحساب تعرض إيميلك أنت.
- حالة الأمان تكتب إن الحساب محمي بأداة مصادقة Steam Guard للجوال.
- كل دخول جديد يطلب رمز من تطبيق ستيم في جوالك.
- الإيميل المرفق القديم صار بكلمة مرور أنت بس تعرفها.
بعد التأمين: نزّل اللعبة
افتح برنامج Steam على الكمبيوتر وسجّل دخول بالحساب (بيطلب رمز من تطبيق الجوال). روح المكتبة، اختر اللعبة واضغط تثبيت، وحدد القرص اللي تبي تنزّلها عليه، والأفضل يكون SSD. التحميل يكمل بالخلفية وتتابعه من أسفل نافذة المكتبة.
تقدر تسجّل دخول من أكثر من جهاز لك، وكل دخول جديد يحتاج موافقة من تطبيق ستيم في جوالك، فما أحد يدخل حسابك بدون علمك.
أشياء طبيعية لا تقلق منها
- بعد تغيير بيانات الأمان ممكن ستيم يحط قيود مؤقتة على التداول وسوق المجتمع. هذا إجراء أمان عادي ما يأثر على تحميل الألعاب ولا اللعب.
- أول تشغيل لبعض الألعاب يطلب حساب الناشر. مثلاً صفحة FC 27 في ستيم تذكر إن اللعبة تحتاج تطبيق EA وتفعيل أونلاين من EA.
- التحميل يحتاج مساحة كافية. ألعاب مثل FC 27 تحتاج حوالي 100 جيجا.
- لو طلب ستيم رمز وما وصلك، شيك مجلد الرسائل غير المرغوب فيها (Spam) في الإيميل، وانتظر دقيقة قبل ما تطلب رمز جديد.
لو صار شي
لو الحساب ما اشتغل أو ما يطابق الوصف، كلّمنا قبل لا تجرّب حلول من النت. الضمان يبدأ من التسليم ومدته مكتوبة في صفحة كل لعبة، ونعالجها أو نستبدل الحساب أو نرجّع المبلغ بعد التحقق، بشرط تكون مشيت على خطوات الاستلام. التفاصيل في سياسة الاسترجاع.
ألعاب جاهزة للاستلام
كل الألعاب في قسم الألعاب، ومنها:
